A Xunta reforza os controis de seguridade de xoguetes polo Nadal

Os controis realizados no marco de Infonadal céntranse este ano nos xoguetes para menores de tres anos e nas guirnaldas.

Por E.P. | SANTIAGO DE COMPOSTELA | 06/12/2018 | Actualizada ás 13:25

Comparte esta noticia

O Instituto Galego de Consumo e da Competencia, dependente da Consellería de Economía, Emprego e Industria, ten en marcha unha nova edición da campaña 'Infonadal Consumo', que ten por obxectivo garantir a seguridade dos produtos que están á venda e protexer os dereitos dos consumidores nas compras de Nadal.

Hippie Xoguete. MERCADO DEL JUGUETE - Archivo
Hippie Xoguete. MERCADO DEL JUGUETE - Archivo | Fonte: Europa Press

A través desta iniciativa, segundo destaca a Xunta nunha nota de prensa, refórzanse as actuacións de control do mercado que realizan durante todo o ano de maneira coordinada a inspección de Consumo e o Laboratorio de Consumo de Galicia.

Ao mesmo tempo, achégase información e formación en materia de consumo responsable pensada de maneira especial para estas datas a través da Escola Galega de Consumo, que está a celebrar charlas nas que está prevista a participación de máis de 1.500 persoas, principalmente alumnado dos centros educativos, organizacións de consumidores e outros colectivos.

Os controis realizados no marco de Infonadal céntranse este ano nos xoguetes para menores de tres anos e nas guirnaldas. Deste xeito, a Xunta asegura que "se garante ao máximo a protección dos consumidores galegos durante o Nadal, época na que se incrementa a venda de produtos para os máis pequenos".

A inspección de Consumo é a encargada de tomar as mostras no mercado, que posteriormente se envían ao Laboratorio de Consumo de Galicia. No caso de que se constate que algún destes produtos presenta riscos, procédese a notificar á rede de alerta de produtos de consumo non alimenticios.

Por outra banda, o Instituto Galego de Consumo e da Competencia tamén intensifica a vixilancia no cumprimento dos deberes dos establecementos que pon os seus produtos a disposición dos consumidores.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta