Denuncian o uso ilegal como vertedoiro dunha das balsas na antiga mina de Touro

A veciñanza de Touro pediu á empresa mineira nova documentación en resposta ás alegacións de veciños e colectivos antimina, así como aos informes sectoriais da Xunta. Desde ADEGA sinalan que os novos datos coñecidos “non deixan de dar sorpresas”.

Agora sería a confirmación documental, através do informe “Caracterización Hidroquímica del Lago de Vieiro”, a evidencia de irregularidades na na balsa de contención chamada lago de Vieiro, detro das antigas expltoacións. O informe foi redactado polo grupo de Enxeñaría de Auga e de Medio Ambiente da UDC. ADEGA sinala que o documento ratifica “o que sabían todos, que a balsa mineira de Vieiro usouse durante anos como vertedoiro en "B"”.

Sobre o contido do informe, que foi achegado pola empresa a requerimento de Augas de Galicia “e a respeito da caracterización dos sedimentos e do volume de lamas depositadas no fondo da inundada corta de Vieiro pp. 24 a 27” dise o seguinte:

“En la Figura 13 se puede ver como existen 3 zonas, una al sur y las otras dos a lo largo del margen Este de la Corta, donde se sitúan los rangos de espesor más acusados, llegando a espesores máximos de 23.83 metros.

Estas zonas diferenciadas se corresponden con material de relleno en diferentes fases (Figura 14). El situado al Sur se corresponde con materiales de relleno depositados para la construcción del camino que discurre de Oeste a Este entre la Corta de Vieiro y la Corta de Arinteiro. Mientras que la otra zona con gran espesor es resultado de los vertidos a la Corta de Vieiro de áridos procedentes de la planta de asfalto de la empresa Explotaciones Gallegas S.L.

Por otra parte, podemos diferenciar tres tipos de materiales depositados en la Corta de Vieiro. Por un lado, están los materiales de relleno del camino, por otro, los materiales de rechazo de la planta de asfalto y por último los lodos precipitados. En total el volumen de todos ellos es de 111674 m3 en una superficie de 5.3 hectáreas.”

Para ADEGA, estas liñas son o “Recoñecemento explícito dunha presunta infracción ambiental”, porque “deste xeito e tal como se recolle no citado informe do grupo de Enxeñaría de Auga e de Medio Ambiente da UDC, parte dos sedimentos depositados na balsa mineira de Vieiro son o resultado de verteduras de materiais (entre eles “áridos procedentes da planta de asfalto”) efectuadas pola empresa Explotaciones Gallegas S.L.”

Segundo esta afirmación, isto implicaría que  Explotaciones Gallegas S.L., propietaria do 80% da actual Cobre San Rafael S.L., usou os terreos, e concretamente a corta mineira inundada de Vieiro, como vertedoiro. “Esta práctica debeuse desenvolver durante varios anos, dende que a mina pechou en 1986, xa que a cantidade de materiais vertidos supón nada menos que 111.674 metros cúbicos”.

Para verificar se estas verteduras realizadas durante anos eran coñecidas e contaban cos preceitivos permisos por parte das administracións competentes, ADEGA solicitou a Medio Ambiente que achegue información sobre “as eventuais autorizacións concedidas entre 1986, data da finalización da actividade mineira e a actualidade, á empresa Explotaciones Gallegas S.L. ou a calquera outra, para depositar materiais no fondo da corta inundada de Vieiro”.  En caso de que a resposta sexa afirmativa, a asociación ecoloxías solicita “como parte interesada no procedemento, coñecer tamén as datas, tipo e cantidade de materiais, condicións de vertedura e demais aspectos relativos aos permisos concedidos polo departamento competente”.

ADEGA chama a atención sobre “esta enésima irregularidade do proxecto mineiro de Touro, non é posíbel que a Xunta, mediante unha autorización ambiental favorábel,  "branquee" as presuntas irregularidades que a empresa concesionaria realizou durante anos nos terreos da antiga mina de Touro”.