Anova insiste na autodeterminación como vía para solucionar a crise política en Cataluña

Xosé Manuel Beiras e Antón Sánchez visitaron a Junqueras e Jordi Cuixart na cadea.

Por Galicia Confidencial | Barcelona | 10/12/2018 | Actualizada ás 19:57

Comparte esta noticia

Xosé Manuel Beiras e o portavoz nacional de Anova, Antón Sánchez, visitaron este luns no cárcere de Llenoders ao líder de ERC Oriol Junqueras, e a Jordi Cuixart, que permanecen en prisión preventiva polo procés, para trasladarlles a súa "solidariedade". Así mesmo, aproveitaron para analizar o actual momento político, "marcado pola judicialización do proceso catalán e o auxe da ultradereita" no Estado español.

Antón Sánchez e Xosé Manuel Beiras diante da prisión onde están Junqueras e Jordi Cuixart
Antón Sánchez e Xosé Manuel Beiras diante da prisión onde están Junqueras e Jordi Cuixart | Fonte: Anova

Ambos os dirixentes, segundo explica Anova nun comunicado, puideron coñecer de primeira man "cal era a situación dos presos políticos nos cárceres" e como se abordan os recursos legais para "finalizar canto antes con esta situación de excepcionalidade pola que levan meses en prisión preventiva". Anova lembrou, así mesmo, que parte do colectivo de presos iniciaron unha folga de fame que este luns cumpre a súa décima xornada como "medida de denuncia" desta situación.

MOMENTO "COMPLEXO"

A formación nacionalista advirte o momento "complexo" actual no Estado español, no que "a coalición do 155 e a resposta autoritaria ao desafío democrático posto en marcha pola cidadanía catalá abriu as portas ao auxe da ultradereita".

Neste sentido, Anova considera que se fai "necesario" compartir análise sobre o momento e "establecer marcos de colaboración política máis intensos". Neste sentido, os diferentes axentes cos que se entrevistaron os dirixentes de Anova expresáronlles "a súa vontade de persistir no camiño democrático cara á autodeterminación de Cataluña, proxecto político que defenderon desde as institucións e a mobilización social, compromiso polo que seguen no cárcere".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta