Por Galicia Confidencial | | 12/12/2018 | Actualizada ás 20:00
O Colexio profesional de Xornalistas de Galicia (CPXG), así como varios xornalistas a título persoal, entre eles, o director de Galicia Confidencial, Xurxo Salgado, adherironse ao manifesto promovido pola Associació de Periodistes de les Illes Balears (APIB) e apoiado polo Sindicat de Periodistes de les Illes Balears (SPIB) para esixir o respecto ao exercicio dos xornalistas tras a intervención xudicial en varios medios desta autonomía.
O APIB pide respecto para os profesionais da información con “garantías de independencia e liberdade”, o que implica, di, “velar polo seu dereito constitucional do segredo profesional”. Fano logo do rexistro policial e a incautación xudicial de computadores, móbiles e documentación a xornalistas de Europa Press Baleares e Diario de Mallorca para identificar unha fonte de informacións nun caso de corrupción.
“Isto supón un grave atentado contra a Liberdade de Prensa”, apunta este sindicato. “Soubemos tamén que a policía xudicial requiriu documentos a EFE hai algunhas semanas e pediu a unha xornalista de axénciaa información sobre as súas fontes”, engade.
Ata o momento, son case 150 xornalistas ou entidades as que deron apoio ao manifesto no que reclman o respecto a un “xornalismo libre, alicerce básico nunha democracia”, e piden á Fiscalía Xeral do Estado que retire o seu apoio a estas actuacións coercitivas cara aos xornalistas que informan sobre casos relevantes de corrupción.
Para adherirse ao presente Manifesto, enviar email con nome completo e cargo/profesión a aperiodistasib@gmail.com.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.