Por Europa Press / Redacción | SANTIAGO DE COMPOSTELA | 14/12/2018 | Actualizada ás 09:55
O Índice de Prezos de Consumo (IPC) mantívose invariable en Galicia en relación co mes anterior en novembro, mentres a inflación interanual modérase até o 1,6%, segundo os datos que publica este venres o Instituto Nacional de Estatística (INE).
Esta moderación dos prezos interanuais galegos prodúcese ao pasar da taxa interanual do 2,3% que existía en outubro ao 1,6% de novembro, unha décima inferior ao avance da media española (+1,7%). No Estado, o IPC baixa un 0,1% fronte a outubro.
Estatística atribúe a caída da taxa interanual do IPC de novembro ao descenso dos prezos da electricidade, do gasóleo para calefacción, dos carburantes, dos paquetes turísticos, e dalgúns alimentos, como as froitas e o aceite.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.