Ethel Vázquez pide a Fomento medidas para "paliar a discriminación" de Galicia en materia de peaxes

A conselleira de Infraestruturas, Ethel Vázquez, pediu este sábado ao Ministerio de Fomento a posta en marcha de "medidas para paliar a discriminación" que sofre Galicia en materia de peaxes.

En declaracións aos medios, Vázquez asegurou que é "incomprensible" que "se fagan anuncios de liberación de peaxes doutras autoestradas en España" e "anuncios de descontos noutras autoestradas", mentres a AP-9 sofre "unha subida continuada" das súas tarifas. 

"O que estamos a ver é unha discriminación, un agravio con Galicia", concluíu a conselleira, que solicitou un cambio nesa política de taxas.