Por Europa Press / Redacción | SANTIAGO DE COMPOSTELA | 21/12/2018 | Actualizada ás 14:09
O buque 'Salvamar Betelgeuse' remolcou este venres ao peirao de Oza, na Coruña, ao pesqueiro 'Frisan', que quedou á deriva fronte ao monte de San Pedro debido a unha avaría no motor.
Segundo informa Salvamento Marítimo, foi o propio pesqueiro, de case 12 metros de eslora, o que deu o aviso de que sufrira dita avaría, para pedir o remolque. O centro de Salvamento Marítimo da Coruña mobilizou entón á 'Salvamar Betelgeuse', que o remolcou até o peirao de Oza.
Nas últimas horas, unha borrasca atravesa Galicia, con persistentes choivas e fortes ventos que afectan o litoral da comunidade. Neste contexto rexistráronse dous naufraxios con vítimas mortais: o primeiro na zona de Fisterra con tres falecidos e un desaparecido e o segundo en Malpica, cun morto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.