Por Europa Press / Redacción | SANTIAGO DE COMPOSTELA | 22/12/2018 | Actualizada ás 20:08
O sindicato CUT avanzou que convocará unha folga dirixida exclusivamente a mulleres o próximo 8 de marzo co obxectivo de visibilizar a loita das traballadoras, as asalariadas e as que non o son.
A CUT informa de que esta decisión foi acordada pola dirección do sindicato e a asemblea nacional da Secretaría das Mulleres, após ser posto en coñecemento do movemento feminista agrupado en 'Galegas 8M', reunido este sábado en Cambre (A Coruña)
A CUT apuntou a necesidade de fortalecer o feminismo de clase do país e visibilizar a loita dos traballadores do sector produtivo e reprodutivo. Apunta, ademais, "que a loita non está nos teitos de cristal senón nas mulleres que, cortándose, avanzan polo chan".
Por último, o sindicato avanza que, a partir da segunda quincena de xaneiro, empezará socializar os traballos que a CUT realiza para o 8M.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.