Falece un motorista tras saírse da vía en Porto do Son

Un motorista perdeu a vida na madrugada deste domingo tras saírse da vía co seu vehículo cando circulaba pola parroquia de Goiáns, no municipio coruñés de Porto do Son.

Segundo informa o 112, foron varios os particulares que deron o aviso á central de emerxencias ás 1,30 horas desta madrugada para pedir asistencia médica urxente para un motorista tendido na estrada inconsciente.

Seguidamente, o persoal do 112 pediu a colaboración dos profesionais do 061-Urxencias Sanitarias, que, pouco despois, confirmaron o falecemento do condutor.

Até o lugar tamén se desprazaron unha patrulla da Garda Civil de Tráfico que, unha vez realizadas as correspondentes investigacións, aclararon que o motorista se saíra da vía pola marxe dereita, tal e como confirman fontes da Benemérita.

De igual modo, para colaborar no operativo, o 112 informou aos voluntarios de Protección Civil de Porto do Son e aos bombeiros de Ribeira, a pesar de que a vítima estaba liberada e accesible.