As verteduras contaminantes da mina de Touro, o patrocinio co que contará a SD Compostela

As asociacións Aldea Viva e Plataforma Mina Touro - O Pino NON volven denunciar as verteduras contaminantes aos afluentes do río Ulla, logo de saberse que a SD Compostela será patrocinada pola empresa mineira.

Os activistas mostran agora con novos vídeos que a balsa de Bama segue bailerando auga contaminada ao río Brandelos. "Esta é a verdadeira responsabilidade social e ambiental da empresa", crtitican, mostrando novas imaxes, tras denunciar a pasada semana estas verteduras.

Esta situación reitérase malia as continuas denuncias presentadas durante este ano polas asociacións civís. De pouco serviron tamén as denuncias interpostas por Augas de Galicia á concesionaria Explotaciones Gallegas, nin as multas por valor de 30.000 e 20.000 euros á empresa, que se coñeceron no mes de setembro, relacionadas cos desbordamentos producidos en febreiro deste ano.

"Nin a empresa nin a Administración tomaron ningún tipo de medida que evite ou minimice novas verteduras de lixiviados contaminantes desde a antiga mina de Touro", expuxeron dende a Plataforma.

Os activistas critican que, no entanto, TEN SL, a empresa encargada da suposta rexeneración dos terreos mineiros, non deixe de gañar premios en certames "nos que participan como membros do xurado, curiosamente, organismos da Xunta". 

A SD COMPOSTELA, PATROCINADA POLA MINEIRA

"Hai unha semana, xunto con Aldea Viva, denunciabamos, unha vez máis, o desbordamento da balsa de Bama. A empresa causante destas verteduras asinou, namentres, un acordo de responsabilidade social coa SD Compostela. Alguén o entende?", critican desde a Plataforma Mina Touro - O Pino NON.

A Sociedade Deportiva Compostela e Cobre San Rafael asinaron a pasada semana un polémico convenio de colaboración nas instalacións do club, no Estadio Municipal Vero Boquete de San Lázaro. O acordo facilita a posta en marcha de "novos proxectos para o fútbol base, que tentará ser referencia na comarca e en toda Galicia, tratando de imprimir nos máis novos uns principios e valores máis aló do afán competitivo", informou o club.

Eses proxectos irán máis aló de Santiago e consistirán en diferentes actuacións, como a organización de campus en varios concellos e a creación dun centro de tecnificación.

Neste sentido, "o compromiso social da Sociedade Deportiva Compostela non pasou desapercibido para Cobre San Rafael, que atopa no club un compañeiro de viaxe ideal á hora de establecer a súa estratexia de responsabilidade", defenden desde a entidade deportiva.

"Desde hai moitos anos, o Compos vén colaborando con múltiples entidades de carácter benéfico e social, establecendo vínculos co tecido asociativo da comarca e facendo posible a posta en marcha de diferentes proxectos. Nesta liña, a colaboración de ambas as entidades xa comezou a dar os seus froitos, posibilitando os primeiros contactos da empresa con institucións sociais de moito arraigamento en Santiago e en toda Galicia", argúen.

O acordo prolongarase ata finais da presente tempada e será prorrogable á seguinte. A SD Compostela mostrou a súa "satisfacción e desexo de que esta unión sexa o máis longa posible e que axude a reafirmar ao club na súa aposta polo talento de Santiago e a súa comarca".

O club non dubida en defender o polémico proxecto mineiro, que cualifica como unha "industria sustentable, responsable ambiental e socialmente para multiplicar o seu efecto positivo, buscando oportunidades de beneficio para a cidadanía".

As críticas ao club non cesaron desde que se deu a coñecer o acordo: "Que ten máis valor, que Santiago siga sendo Patrimonio da Humanidade ou uns miles de euros de patrocinio por parte da empresa que nos ameaza?", "Cobre San Rafael está xogando a lavar a cara, non ten licencia social para abrir a mina e sabeo. Xa Sito Miñanco co Cambados e a camorra italiana usaron esas estratexias: tratar de infiltrarse na sociedade, comprar vontades, que lles deban favores... Dan noxo", ou "A mina só trae morte. Para mostra o meu amor e respecto polo Compos, mortos", son só algunhas das críticas que recibiu a entidade deportiva nas redes sociais.

Cobre San Rafael está xogando a lavar a cara, non ten licencia social para abrir a mina e sabeo. Xa Sito Miñanco co Cambados e a camorra italiana usaron esas estratexias: tratar de infiltrarse na sociedade, comprar vontades, que lles deban favores...DAN NOXO @SD_Compostela https://t.co/VUWsRUtx5k

— Touro Galicia NWSpain (@NwspainTouro) 22 de decembro de 2018

Forza Compos e Non á mina de Touro! @minatouronon

— Nel Vidal Barral (@nelvidalbarral) 22 de decembro de 2018

MINA NON! @SD_Compostela pic.twitter.com/hNoVA5Qq8t

— x a b i o b i (@xabiobi) 21 de decembro de 2018

A mina só trae morte. Para mostra o meu amor e respecto polo Compos, mortos. #PregrinandoCaraADestruccion #MinaTouroOpinoNon

— O Indio da pipa (@O_IndioGZ) 21 de decembro de 2018

@SD_Compostela Non todo vale. A mina de Touro é morte para a comarca, é morte para os ríos. Veñan a ver a vella mina e os delitos ecolóxicos que alí se cometen. Cobre San Rafael está tratando de lavar a cara infiltrándose na sociedade como Miñanco co Cambados @minatouropinono https://t.co/7C7f4wuHVn

— Touro Galicia NWSpain (@NwspainTouro) 21 de decembro de 2018

Oxalá todono mundo non se abone para a tempada.. unha auténtica vergoña.
Dende logo, non volveremos pisar San Lázaro ata que este patrocinador volva por onde veu..

— ℝ𝕦𝕓𝕖𝕟 𝔻𝕖 𝕃𝕒 𝔽𝕦𝕖𝕟𝕥𝕖 𝕊𝕦𝕒𝕣𝕖𝕫 (@rubytouro19) 20 de decembro de 2018

Ti cres que se a mina estivera en activo e coa sociedade a favor tería necesidade de facer ese gasto? Ó mellor o que buscan é unha campaña para embaucar fácilmente a xente coma ti e facer crer que como dá cartiños para o fútbol xa é unha gran empresa.

— Balbino Labrego (@BalbinoLabrego) 21 de decembro de 2018

Como ex jugador y exaficionado, me da pena y vergüenza que una directiva manche de contaminación y de mierda tal institución, es un insulto anteponer el negocio y el puto dinero a los valores de un club que demuestra estar en contra de la gente que dice MINA NON..
NON TODO VALE

— marcos salgado (@uzsamama) 21 de decembro de 2018

Estiven na primeira , na segunda , na segunda b na terceira e preferente , con escuris, gerlo,mahia , cortizo, babio , Compostela monumental ... Etc pero non estarei coa mina de cobre San Rafael.

— vengadorjusticiero (@manolisdoescudo) 20 de decembro de 2018

Que mala noticia para o que tería que significar o Compos. Oxalá o estadio @VeroBoquete de San Lázaro se converta nun constante berro de Non á mina! Así non, @SD_Compostela, así non. https://t.co/Qpg34CDTn2

— Nel Vidal Barral (@nelvidalbarral) 20 de decembro de 2018

Directiva dimisión! Non a mina! Un menos no Vero Boquete , falta de respeto a todos os galegos , compostelanistas Unha auténtica vergoña, o @PazodeRaxoi debería retirar de inmediato a subvención da SD non se pode consentir semellante dano a historia do club

— vengadorjusticiero (@manolisdoescudo) 20 de decembro de 2018

Cobre San Rafael = Sito Miñanco, narcotraficante.
SD COMPOSTELA = O Cambados
Xa chove sobre mollado! @SD_Compostela @minatouropinono @NachoCarretero @El_Intermedio

— GALICIA (MINA TOURO O PINO NUNCA) (@minatouronunca) 21 de decembro de 2018