Por E.P. | SANTIAGO DE COMPOSTELA | 29/12/2018 | Actualizada ás 15:46
A Real Filharmonía de Galicia celebrará o vindeiro venres, 4 de xaneiro, o seu concerto de Reyes, no Teatro Principal de Santiago, ás 20,30 horas, baixo a dirección de Paul Daniel. Na mañá do venres, ás 11,00 horas, terá lugar o ensaio xeral do concerto, no propio Teatro, o cal será aberto ao público ata que se complete aforamento.
O programa do concerto, titulado 'Noites en Viena!', fará un percorrido polas obras máis coñecidas da familia Strauss. Interpretaranse varias pezas de vals e polcas ao longo da velada. Entre elas, os músicos tocarán a 'Abertura O Morcego', 'Salve Hungría! --interpretada habitualmente no Concerto de Ano Novo de Viena-- e a 'Polca do cuco', entre outras.
O Concerto de Reis concluirá co vals 'O Danubio Azul', considerada "o himno non oficial austríaco", unha "música cargada de paixón, melancolía e esperanza", tal e como explicou a Real Filharmonía nun comunicado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.