Por E.P. | LUGO | 30/12/2018 | Actualizada ás 10:48
Dúas persoas feridas tiveron que ser excarceradas despois de que o coche no que circulaban envorcase na LU-862, ao seu paso por Xove (Lugo), sobre as 7,20 desta mañá.
Segundo informa o 112, as vítimas quedaron atrapadas no interior do coche e tiveron que ser liberadas polos bombeiros de Viveiro.
No momento do sinistro, un particular contactou co 112 para alertar do sinistro. Seguidamente, o servizo de urxencias pasou o aviso ao 061-Urxencias Sanitarias, ao GES de Cervo, á Garda Civil de Tráfico, a Protección Civil de Cervo e aos bombeiros.
Unha vez liberadas, as dúas persoas feridas foron trasladados ao Hospital da Costa, en Burela.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.