Por E.P. | PONTEVEDRA | 31/12/2018 | Actualizada ás 13:11
Vilagarcía de Arousa (Pontevedra) volveu a ser, un ano máis, a primeira localidade galega en celebrar a entrada do novo ano. ás 12,00 horas deste 31 de decembro, non sen algún problema técnico, centos de persoas concentráronse na Praza da Ravella para comer as doce uvas e dar a benvida ao 2019 horas antes de que o faga o resto de Galicia.
Con esta celebración, a localidade arousá dá continuidade a unha conmemoración iniciada en 1998 para dar as súas particulares 'badaladas' ao mediodía do último día do ano, unha celebración que ten lugar baixo o nome de 'Festa das uvas' e que cada ano reúne por centos de adeptos.
A festa deu comezo ás 11,00 horas da mañá fronte á Casa consistorial, onde se concentraron centos de persoas que gozaron de varios espectáculos musicais previos ás badaladas.
Tras os doce toques de campá do reloxo do Concello e os brindes para dar a benvida ao "novo ano", o grupo Pablo Méndez Performances ofreceu un espectáculo con música, maxia e acrobacias aéreas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.