O último día do 2018 rematou con 25 hectáreas queimadas en Viana do Bolo

A Consellería do Medio Rural deu por extinguido un incendio forestal que afectaba desde a noite deste luns ao municipio ourensán de Viana do Bolo e que queimou unhas 25 hectáreas.

Segundo a información da Xunta, o lume comezou sobre as 23,00 horas do luns na parroquia de Ramilo, e quedou extinguido pouco antes das 15.00 horas deste martes.

Nos labores de extinción traballaron catro axentes, sete brigadas, unha motobomba e un helicóptero. Aínda que nun principio creuse que o lume comezara en territorio zamorano, finalmente a Administración galega apunta a que arderon 25 hectáreas de monte raso, todas elas en Galicia.