Por Europa Press / Redacción | PONTEVEDRA | 04/01/2019 | Actualizada ás 12:21
O incendio forestal declarado na tarde deste xoves na parroquia de Caroi no termo municipal de Cerdedo-Cotobade (Pontevedra) quedou extinguido na mañá deste venres tras queimar 45 hectáreas.
Segundo informou a Consellería do Medio Rural, ás 11,10 horas deste venres deuse por extinguido este lume, que afectou a 45 hectáreas de monte raso.
Este lume comezou ás 16,17 horas deste xoves e quedou controlado ás 6,40 horas deste venres, tras o que se deu por extinguido ás 11,10 horas.
Na súa extinción traballaron seis axentes, oito brigadas e dúas motobombas, concretou o departamento autonómico de Medio Rural.
Por outra banda, tamén na mañá deste venres deuse por extinguido outro lume que afectou á Serra do Invernadoiro, no Concello da Mezquita. Arderon 161 hectáreas. Uns incendios que teñen lugar en pleno inverno.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.