Por E.P. | SANTIAGO DE COMPOSTELA | 05/01/2019 | Actualizada ás 14:10
A plataforma do libro dixital da Xunta de Galicia incorporou contidos en inglés, fornecidos pola Editorial Pearson, dos que se beneficiarán 21.000 alumnos e docentes dos 267 centros educativos integrados na iniciativa E-Dixgal do Proxecto Abalar.
Estes materiais complementan os xa existentes, como as 750 unidades didácticas de 45 materias provistas por Netex Learning e Edebé; as unidades, recursos complementarios e o acceso ao banco de contidos do Editorial Planeta; e os máis de 3.200 contidos dixitais creados polos docentes, segundo datos ofrecidos polo Goberno galego.
Os alumnos contan con libros dixitais que inclúen recursos multimedia, actividades interactivas e complementarias, mentres que os docentes reciben material específico. O Executivo galego lembrou que "o curso pasado iniciouse a integración para seguir estendendo a educación dixital a máis centros", e destacou que "nos dous primeiros meses do curso actual rexistrouse un incremento do 84 por cento no acceso á plataforma do libro dixital".
Segundo os datos ofrecidos pola Xunta, actualmente hai máis de 900 centros e 6.000 aulas que son Abalar, das que se benefician máis de 120.000 alumnos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.