Como limpar os xulgados de documentos vellos

A Xunta de Galicia anunciou que destinará 240.000 euros durante o ano recentemente comezado para "impulsar o expurgo xudicial dos arquivos de cidades e pobos nas instalacións que máis o necesiten".

Nun comunicado, o Goberno galego detallou que actuará nos arquivos da Coruña, Santiago, Ferrol, Pontevedra, Ourense, Corcubión, Mondoñedo, Viveiro, Ribadavia, Verín, Vilagarcía, Cambados e Ponteareas.

Para a realización do proceso cóntase con persoal técnico de arquivos e a través da Xunta de Expurgo, entidade constituída por representantes do Poder Xudicial, do Ministerio Fiscal e do Goberno galego, e que se encarga de determinar os criterios de conservación de documentos.

O obxectivo é "desconxestionar as instalacións xudiciais e organizar a documentación, o que redunda nunha mellora da xestión diaria".