Por E.P. | SANTIAGO DE COMPOSTELA | 07/01/2019 | Actualizada ás 10:20
O servizo de Urxencias Sanitarias de Galicia-061 asistiu durante o fin de semana a 73 persoas implicadas en 57 accidentes de tráfico ocorridos nas estradas galegas entre a tarde do venres e a medianoite do domingo.
O período contabilizado comprende desde as 15:00 horas do venres, 4 de xaneiro ata as 23:59 horas do domingo, 6 de xaneiro. En concreto, a Central de Coordinación do 061, recibiu nestes días 66 chamadas en relación con accidentes de tráfico, que xeraron 57 asistencias. O día que rexistrou máis incidentes foi o sábado, con 29.
Por provincias, A Coruña foi a que rexistrou máis accidentes, con 27, seguida de Pontevedra, onde tiveron lugar 22; Ourense, con cinco, e Lugo, con tres. En canto ás vítimas, o 59% dos atendidos eran homes, mentres que o 41% eran mulleres. Nas idades dos feridos obsérvase que o 22% dos atendidos tiña entre 25 e 39 anos.
Os recursos sanitarios mobilizados polos médicos que atenderon as chamadas na Central de Coordinación do 061 foron 76. Así, as ambulancias asistenciais de soporte vital avanzado acudiron a cinco accidentes, as ambulancias asistenciais de soporte vital básico mobilizáronse en 63 sinistros e os médicos de Atención Primaria prestaron asistencia sanitaria en cinco accidentes. As ambulancias convencionais asistiron en tres ocasións.
En 59 casos, os feridos foron trasladados aos centros sanitarios correspondentes, en 12 ocasións atendeuse no propio lugar do incidente e dúas persoas resultaron falecidas no punto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.