Ferreiro presentará unha lista que recolla "todas as sensibilidades" para finais de xaneiro

Así respondeu aos xornalistas, na rolda de prensa posterior á xunta de goberno Local, tras ser preguntado pola petición de Podemos de reservarlles postos na candidatura ás eleccións municipais de maio.

Ferreiro avanzou que presentará unha lista que aglutine "todas as sensibilidades", para que todos os simpatizantes de Marea Atlántica "poidan estar satisfeitos", e tamén as persoas que "están inscritas en Podemos e que tamén ven na Marea Atlántica ao seu goberno municipal". "Creo que non debería haber moito problema se pomos por diante o principal, non hai ningún tipo de fricción", dixo Ferreiro.