Reunión de Ciudadanos este sábado en Santiago para ratificar os seus candidatos para as municipais
A formación laranxa di que non será ata comezos ou mediados de febreiro cando teñan os nomes definitivos para Galicia.
Por Europa Press / Redacción | SANTIAGO DE COMPOSTELA | 11/01/2019 | Actualizada ás 19:14
Ciudadanos Galicia reunirá este sábado, na súa sede de Santiago, ao seu comité autonómico co obxectivo de aprobar os candidatos propostos para as eleccións municipais do 26 de maio. No entanto, a lista final terá que ser enviada á dirección nacional en Madrid para recibir a súa visto e prace.
Xa a semana pasada, os coordinadores locais de máis de 80 municipios déronse cita na capital galega para trasladar á dirección autonómica unha primeira proposta de nomes para encabezar as listas aos locais.
Con todo, non será ata "principios ou mediados de febreiro", salvo que se produza algún "atraso", cando teñan os nomes definitivos encima da mesa, tal e como confirmou o secretario de organización de Ciudadanos Galicia, Laureano Bermejo.
