Verín, o termómetro do frío en Galicia

A localidade ourensá de Verín volveu a rexistrar a temperatura mínima de Galicia na mañá deste mércores, na xornada na que na provincia de Ourense mantense o aviso por frío. Con todo, os termómetros non superaron os -3º, cando hai uns días case que rozaron os -10º. 

Segundo os rexistros de Meteogalicia ata as 9,30 horas deste mércores, recollidos por Europa Press, en localidades con altitude menor de 900 metros, ademais de Verín, houbo valores mínimos significativos en Sarria (Lugo), con -2,5ºC, así como nos concellos ourensáns de Vilardevós (-2,3ºC), Baltar (-2,1ºC) e Vilamartín de Valdeorras (-2ºC).

Pola súa banda, en localidades con altitude maior de 900 metros, a mínima correspondeu a Carballeda de Valdeorras, con -2,6ºC rexistrados ás 8,20 horas deste mércores. Tamén en zonas altas foron localidades ourensás as que que tiveron as mínimas máis significativas, como en Manzaneda (-2,2ºC), Vilariño de Conso (-1,5ºC) e A Veiga e A Mezquita, con -0,8ºC.