Por E.P. | A CORUÑA | 16/01/2019 | Actualizada ás 19:02
Uns cen médicos de familia da área sanitaria da Coruña acordaron recoller firmas e convocar mobilizacións para reclamar melloras, segundo informan tras unha reunión celebrada este mércores no Colexio de Médicos desta cidade. Sobre este encontro, aseguran que o obxectivo foi "pór en común a situación asistencial dos centros de saúde desta área e propor solucións que a melloren".
Na reunión, con presenza de médicos de centros de saúde, de Puntos de Atención Continuada e eventuais, acordouse realizar unha recollida de firmas "en apoio a unha serie de reivindicacións para envialo logo á Consellería de Sanidade".
Tamén se decidiu coordinarse con médicos doutras áreas sanitarias de Galicia para promover "mobilizacións conxuntas", ademais de fixar unha nova reunión para o 24 de xaneiro para solicitar as firmas recolleitas "e acordar mobilizacións".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.