Podemos celebrará primarias en 25 concellos para elaborar as listas para as municipais

O partido terá as listas a catro meses e medio para a cita electoral do mes de maio sen saber con certeza como se presetará nas súas primeiras municipais en Galicia.

Por Europa Press / Redacción | SANTIAGO DE COMPOSTELA | 16/01/2019 | Actualizada ás 20:23

Comparte esta noticia

Podemos celebrará primarias para elaborar as súas listas electorais para as eleccións municipais nun total de 25 concellos de Galicia. As votacións terán lugar do 1 ao 5 de febreiro e os resultados coñeceranse un día máis tarde, o 6. Así, segundo fontes da dirección morada consultadas por Europa Press, a cúpula do partido autorizou a celebración de primarias en 25 localidades ao cumprir coas condicións establecidas.

Antón Gómez-Reino, secretario xeral Podemos Galicia
Antón Gómez-Reino, secretario xeral Podemos Galicia

Ademais de en as principais sete cidades de Galicia --Santiago, Ferrol, A Coruña, Lugo, Ourense, Vigo e Pontevedra--; os inscritos de Podemos poderán votar nas seguintes localidades: Sarria, Sanxenxo, Betanzos, Cedeira, Baiona, Valdoviño, Ames, Gondomar, Cangas, Chantada, O Grove, Redondela, Viveiro, Arteixo, Vilagarcía de Arousa, Ponteareas, Marín e Foz.

Así mesmo, fontes do partido que lidera o deputado de En Marea Antón Gómez-Reino precisaron que noutros 25 municipios "está moi avanzada" a concreción de proxectos en disposición de concorrer ás eleccións, aos que poderían sumarse "máis" ata o próximo mes de abril. Así as cousas, o partido morado contará con listas a catro meses e medio para a cita coas urnas, aínda coa incógnita de como concorrerá Podemos ás primeiras eleccións municipais ás que se presenta en Galicia.

En marzo de 2017, os inscritos de Podemos Galicia apoiaron maioritariamente a proposta da dirección estatal para concorrer ás eleccións municipais en coalición con outras forzas e co nome do partido morado na marca electoral con excepción daqueles municipios con proxectos consolidados, como Santiago (Compostela Aberta), A Coruña (Marea Atlántica) e Ferrol (Ferrol en Común). Deste xeito, a dirección que encabeza Gómez-Reino coordinará as negociacións para a concreción de candidaturas de confluencia.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

4 Alpinista

Podemos é marca devaluada. Viciada pola soberbia burguesa da cúpula que dirixe o señorito Pablo Iglesias, neomarqués castizo de Galapagar de la Sierra. Usada polo PcE para colocar vividores que non obtiñan acomodo coa marca IU (diso sabemos en terras galegas). Xa nin os fundadores acreditan na marca: Errejón pasa de Podemos, dos colegas de IU e dos exmilitares da OTAN recolocados, e vai con Carmena por Más Madrid. Logo non haberá listas nos pequenos concellos que salven o desastre. Podemos xa foi. E ANOVA sen enterarse, apostando polo perdedor!

3 Torapia

Entón o sarao --as eleccións que monte esta xente carecen de credibilidade-- que monte O'Bicotorto vai dar unha serie de nomes en postiños de saída, non? Eses persoeiros vanse encastrar na lista local, é? O Villares e a súa xente teñen algo que dicir ou cada localidade é un feudo no que manda o señoritO de turno? Se vienen más cristazos, os digo. En maio hase aclarar a situación de desastre da que partiremos diante da reacción que asexa. Tomaremos nota de todos vós.

2 lóstrego

Veña a competir e restarlle á esquerda galega, esa é a vosa misión como bos nacionalistas españois. Xa vos coñecemos, desta volta non imos caer na trampa.

1 Carmena

Farase o que digan os marqueses de Galapagar.