Invasión galega en Chaves para ver ao porteiro Casillas

A visita do FC O Porto ao Deportivo de Chaves o pasado venres provocou unha pequena invasión de afecionados galegos, sobre todo de Ourense, que se desprazaron ata esta localidade que se atopa moi preto da fronteira con Galicia. O seu obxectivo, ver ao porteiro deste clube e ex xogador da Selección Española e do Real Madrid, Iker Casillas.

Entre estes siareiros estaba o presidente do Ourense Club de Fútbol, Camilo Díaz, que, aínda que adestra a este equipo, é un gran adepto do Real Madrid, Camilo Díaz. “Esta época será só o segundo partido do Deportivo de Chaves que vou ver, despois do encontro fronte ao Sporting de Braga, mais non podía desperdiciar a oportunidade de ver unha vez máis a Casillas en vivo”, dixo en declaracións á Axencia Lusa. 

Non foi o único relacionado co mundo do fútbol galego que se desprazou á localidade portuguesa. Outros oito mozos de 18 anos que xogan no San Cibrao tamén quixeron ir ver o Chaves contra o Porto. "Estivemos nove meses sen perder e quixemos premiar os xogadores coa posibilidade de ver un partido da I Liga portuguesa e ver ao Casillas en vivo", contou o adestrador deste clube próximo á capital ourensá.

Neste encontro tamén estivo Óscar Amoeiro, de Ourense, pero cunha filla que estuda enfermería en Chaves.  "É unha lenda viva e aínda hoxe podía xogar no Real Madrid. Esta temporada está novamente a un gran nivel, o que é fenomenal, mais nunca sabemos cando pode terminar a", dixo. Con el foron tres compañeiros da cidade das Burgas.