Deteñen un veciño da Coruña como presunto autor dun delito de abusos sexuais
O presunto agresor seguiu á vítima mesmo subíndose ao autobús no que ela tentaba fuxir.
Por E.P. | A CORUÑA | 21/01/2019 | Actualizada ás 14:06
A Área de investigación do Posto Principal de Culleredo detivo a un veciño da Coruña nacido en Perú como presunto autor dun delito de abusos sexuais denunciados o pasado 13 de xaneiro a unha moza á que perseguiu.
Segundo informou este luns o Instituto Armado, os feitos iniciáronse na localidade coruñesa de Culleredo, cando a vítima se atopaba andando pola rúa e o individuo comezou a perseguila. Seguidamente ela decidiu coller o autobús e, ao chegar á parada, o home "comezou a realizarlle comentarios sexuais, chegando incluso a collela pola forza para darlle dous bicos nas fazulas e tocarlle as pernas", relataron as mesmas fontes.
Cando chegou o autobús a moza subiuse e o home tamén accedeu ao mesmo medio de transporte, onde a seguiu ata que ela baixou nen Carral (A Coruña), pero ao decatarse de que os pais da vítima estaban esperándoa e xa alertados do sucedido, fuxiu en taxi. Por todo iso, a Garda Civil iniciou unha investigación no marco da que identificou ao autor dos feitos e procedeu á súa detención.
