SOS Sanidade: "A rebelión dos médicos de Atención Primaria esténdese en toda Galicia como mancha de aceite"

Profesionais de Atención Primaria da área de Santiago reclaman un "proceso de negociación" sobre o novo modelo.Recollen propostas en centros de saúde para "confeccionar un diagnóstico" e expor propostas de mellora

Por Europa Press / Redacción | SANTIAGO DE COMPOSTELA | 22/01/2019 | Actualizada ás 11:08

Comparte esta noticia

Profesionais sanitarios de Atención Primaria da área de Santiago reclaman un "proceso de negociación" á Consellería de Sanidade, máis aló dos grupos de traballo "sinalados a dedo", para abordar o novo modelo deste nivel asistencial.

Participantes na manifestación de Vigo convocada por SOS Sanidade Pública en contra da privatización da sanidade
Participantes na manifestación de Vigo convocada por SOS Sanidade Pública en contra da privatización da sanidade | Fonte: EP

En declaracións a Europa Press, o doutor Manuel Martín, portavoz do colectivo SOS Sanidade Pública, explicou que este martes se volven a reunir por terceira vez na capital galega para "confeccionar un diagnóstico" da Atención Primaria na área de Santiago.

Así, Manuel Martín manifestou que recollen "propostas dos distintos centros de saúde" para "confeccionar un diagnóstico" e propostas que sairán desta nova reunión. Por unha banda, sostén que tratarán a convocatoria de mobilizacións, como concentracións en centros de saúde, e establecerán "estratexias" xunto con compañeiros doutras áreas que contan con "problemas específicos".

"A rebelión dos médicos de Atención Primaria esténdese en toda Galicia como mancha de aceite", asegurou o portavoz de SOS Sanidade Pública para insistir en reivindicar un "proceso de negociación".

MÁIS PARTICIPACIÓN

Sobre a reunión deste martes prevista na sede compostelá do Colexio de Médicos da Coruña, Manuel Martín destacou que hai "60 profesionais" confirmados e fixo fincapé no aumento de xefes de servizo que acoden á cita.

Deste xeito, insistiu en que seguirán coa análise dos "problemas e dificultades" nos centros de Atención Primaria da área de Santiago, que asocia "aos recortes durante todo este tempo". Ata a data acordaron en encontros anteriores a recollida de firmas para entregar á Consellería de Sanidade, a colocación dun lazo azul en bátalas dos profesionais, paros nas portas de centros de saúde e PACs e seguir coa incorporación de profesionais ao "grupo promotor" destas iniciativas.

Por todo iso, apostan por seguir "mobilizándose contra o desmantelamento do sistema sanitario en Galicia" e falar da "sanidade real".

ENQUISAS

Por outra banda, a Xunta recordou que Sanidade conta con diversas canles de participación, como o correo eléctrico --no que se poden facer achegas entre o 7 e o 31 de xaneiro-- e unha enquisa telemática para a cidadanía en xeral --habilitada a semana pasada--, ademais dos grupos de traballo. O obxectivo é facer propostas para modificar a Atención Primaria.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta