En Marea ao Goberno: "Ten que rectificar se quere sacar os PGE adiante"

A portavoz de En Marea no Congreso, Yolanda Díaz, esixiu ao Goberno "rectificar a súa folla de ruta" con Galicia para poder aprobar os Orzamentos Xerais do Estado (PGE), logo de que presentara unhas contas "lesivas" para Galicia.

Así definiu os presupostos o deputado de En Marea, Miguel Anxo Fernán-Vello, nunha rolda de prensa. Acompañábao o parlamentario Antón Gómez-Reino, para falar da comparecencia no Congreso da ministra de Facenda, María Jesús Montero, a petición de En Marea.

"Se o Goberno quere sacar adiante os orzamentos, ten que rectificar a súa folla de ruta", dixo, tras unhas contas que considerou "sociais", tras as negociacións co Goberno. "Pero non son galegos", engadiu, en liña co discurso de Gómez-Reino e Miguel Anxo Fernán-Vello.

En concreto, este último denunciou "o abandono total do tren convencional" para a articulación do sistema ferroviario en Galicia, así como das conexións ferroviarias cos principais portos. "E imprescindible cumprir con Galicia", dixo, á súa vez, Gómez-Reino.

RECORTES

Na mesma liña, a portavoz de En Marea no Congreso asegurou que o Executivo, a través da ministra de Facenda, terá que explicar "por que recorta nun 20% o orzamento e nun diferido un 40%" para Galicia.

"Ten que rectificar se queren sacar os orzamentos adiante", advertiu Yolanda Díaz quen pediu o apoio dos deputados galegos á formulación de En Marea "para defender" os intereses desta autonomía e incrementar as partidas.

"É  fácil dar unha saída a Galicia, pero se ten que reverter o recorte", insistiu Yolanda Díaz, quen particularmante se referiu aos socialitas galegos, aos que instou a "explicitar" que "van facer" para que aumenten os investimentos en Galicia.

"Sería bo facer unha fronte común, que voten connosco os deputados galegos para que o Goberno rectifique", insistiu a deputada de En Marea, quen incidiu en que o PSdeG "concorda en que teñen que ser mellorados estes orzamentos".