O drama dos enfermos de cancro en Galicia

En Galicia son xa máis de 2.700 persoas afectadas por esta enfermidade que viven sós. En todo o estado, superan as 41.000 persoas, a maioría mulleres de máis de 75 anos.

Por Europa Press / Redacción | Compostela | 27/01/2019 | Actualizada ás 13:47

Comparte esta noticia

Galicia sitúase como a sexta comunidade de España con maior número de persoas con cancro que viven soas, cunha cifra de 2.716 enfermos, que a sitúa por detrás de Andalucía, Cataluña, Madrid, Comunidade Valenciana e Castela e León.

Proba de detección de cancro de mama. GC
Proba de detección de cancro de mama. GC

O envellecemento acelerado da poboación está a facer que cada vez haxa máis pacientes con cancro que teñen que enfrontarse á enfermidade en soidade, situándose actualmente a cifra en 41.753 pacientes, dos cales a maioría son mulleres maiores de 75 anos, segundo se desprende do novo informe elaborado polo Observatorio da Asociación Española Contra o Cancro de 2019.

Andalucía é a comunidade autónoma na que máis enfermos de cancro viven sos (6.831), seguida de Cataluña (6.353), Madrid (5.064), Comunidade Valenciana (4.602), Castela e León (2.915), Galicia (2.716), País Vasco (2.250), Castela-A Mancha (1.853), Canarias (1.763), Aragón (1.455), Asturias (1.364), Estremadura (1.184), Murcia (1.041), Illas Baleares (817), Cantabria (645), Navarra (505), A Rioxa (343), Melilla (33) e Ceuta (18). En todas e a nivel xeral, o número de homes con cancro que viven sos supera ao das mulleres, excepto en Aragón, Cantabria e Navarra.

Por idades, dos 41.753 pacientes que viven en soidade o seu cancro, 21.058 son maiores de 75 anos, dos cales 11.626 son mulleres (9.432 homes). Así mesmo, en España 5.844 persoas cunha enfermidade oncolóxica de entre 70 e 74 anos viven soas (3.467 homes e 2.377 mulleres); 5.452 con idades comprendidas entre os 65 e 69 anos (3.575 homes e 1.877 mulleres); 3.676 entre 60 e 64 anos (2.430 homes e 1.246 mulleres); e 2.496 con idades entre os 55 e 59 anos (1.613 homes e 882 mulleres).

CÁNCER MÁS PADECIDO

En canto ao tipo de cancro que adoitan padecer os pacientes que viven sos, o máis común é o colerrectal (6.941 pacientes), seguido do tumor de próstata (5.081), pulmón (4.865), mama (4.393), vexiga (2.739), estómago (1.711), páncreas (1.484), ril (1.219), Linfoma non Hodgkin (1.208), fígado (1.141), útero (1.119), leucemia (1.039) e melanoma (846), entre outros.

Nos casos de pacientes con cancro e con parella, a maioría son homes, o tumor máis frecuente é o de próstata, seguido do colorrectal, pulmón, vejiga, mama, estómago, páncreas, ril, fígado e leucemia, entre outros.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta