Por Europa Press / Redacción | SANTIAGO DE COMPOSTELA | 27/01/2019 | Actualizada ás 13:12
Os Bombeiros de Pontevedra rescataron este domingo dun pozo de auga doce a unha muller de 61 anos con síntomas de hipotermia no concello de Pontevedra.
Segundo fontes do corpo de bombeiros consultadas por Europa Press, foi o 112 Galicia quen alertou aos Bombeiros de Pontevedra do suceso ao redor das 8,22 horas, informando de que unha muller se caeu nun pozo nunha casa na rúa Cabana no lugar de Salcedo.
A muller, que se atopaba agarrada a unha tubaxe coa auga pola cintura, tivo que ser rescatada por un bombeiro que baixou cun triángulo de evacuación. Os Bombeiros de Pontevedra montaron un trípode con cordas para poder subir á muller ao exterior. Os servizos de urxencia sanitarias atenderon no lugar á vítima, que presentaba síntomas de hipotermia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.