Nacho Vegas, La Bien Querida e Marlon Williams estarán no Atlantic Fest
O encontro celebrarase entre o 26 e o 28 de xullo na Illa de Arousa e tamén estarán Love of Lesbian e a nova formación Cariño.
Por E.P. | SANTIAGO DE COMPOSTELA | 29/01/2019 | Actualizada ás 20:01
Nacho Vegas, La Bien Querida, Marlon Williams, María Rodés e Cariño son as novas confirmacións do Atlantic Fest, que se celebrará entre o 26 e o 28 de xullo na Illa de Arousa (Pontevedra). Estes artistas súmanse aos xa confirmados Love of Lesbian, mentres aínda quedan diversos grupos por coñecer, segundo informou a organización este martes nun comunicado.
O cantautor Nacho Vegas presentará 'Violética' (2018), o seu dobre disco de 18 temas que xa levou recentemente ata A Coruña e fará o propio este fin de semana en Santiago. Será a segunda visita do asturiano á Illa nun concerto que terá lugar o 27 de xullo. Tamén o 27 de xullo estará La Bien Querida', mesmo día no que soará a "extraordinaria" voz do artista neozelandés Marlon Williams, co seu último traballo, 'Make way for love'.
Ese mesmo día María Rodés traerá debaixo do brazo o seu cuarto traballo, 'Eclíptica', un álbum conceptual inspirado no seu antepasado astrónomo Lluis Rodés, quen dirixiu o observatorio do Ebro durante a Guerra Civil. Previamente, o 26 de xullo, actuará Cariño, unha nova banda formada María, Paola e Alicia, que conta cunha versión do 'Chorando en límoa', de C. Boureo.
