Os galegos son os que menos destinan dos seus ingresos anuais ao alugueiro dunha vivenda
Gastaron unha media do 15,7% do que gañaron do ano a pagar a vivenda.
Por Europa Press / Redacción | OVIEDO | 30/01/2019 | Actualizada ás 13:52
Galicia sitúase entre as comunidades autónomas onde se realizou un menor esforzo para alugar unha vivenda, destinando de media o 15,7% da súa renda anual, segundo destaca o portal Idealista en base aos datos de renda media dos fogares en 2017 procedentes do Instituto Nacional de Estatística (INE).
En primeiro lugar colócase Baleares (30,9%). Séguenlle Cataluña (28%) e Madrid (26,5%), sendo estas tres comunidades onde os prezos do aluguer foron os máis altos, 14,4 euros por metro cadrado tanto en Cataluña como en Madrid e 12,5 euros por metro cadrado en Baleares.
Ademais, coincide que as rendas deste tres comunidades non foron as máis altas do país. Mentres que en Baleares obtiveron unha renda de 32.160 euros anuais, en Cataluña e en Madrid foi de 31.410 e 32.450 euros, respectivamente.
Segundo o OCDE e a Unión Europea, a vivenda segue sendo a maior partida que destina o orzamento familiar. Na media xeral dos países do OCDE, preto do 15% dos arrendamentos gasta máis do 40% dos seus ingresos en pagar a vivenda.
