O comité de Alcoa Coruña pide un estatuto para as empresas electrointensivas que non sexa "un parche"

O presidente do comité de empresa de Alcoa na Coruña, Juan Carlos López Corbacho, volveu a reclamar unha regulación para as empresas electrointensivas "canto antes" e que o estatuto non sexa só "un parche". No entanto, valorou os pasos que está a dar o Ministerio de Industria co que volverán reunirse o 5 de febreiro Fíxoo tras unha reunión co presidente da Deputación da Coruña, Valentín González Formoso, ao que trasladaron as súas demandas para garantir os empregos da planta de Alcoa, pero tamén para insistir na necesidade dun marco enerxético estable que beneficie tanto a estes traballadores como a outros na provincia coruñesa.

Por E.P. | A CORUÑA | 01/02/2019 | Actualizada ás 15:05

Comparte esta noticia

O presidente do comité de empresa de Alcoa na Coruña, Juan Carlos López Corbacho, volveu reclamar unha regulación para as empresas electrointensivas "canto antes" e que o estatuto non sexa só "un parche". No entanto, valorou os pasos que está a dar o Ministerio de Industria, co que se volverán reunir o 5 de febreiro

O presidente da Deputación da Coruña, Valentín González, co comité de. DEPUTACIÓN DA CORUÑA
O presidente da Deputación da Coruña, Valentín González, co comité de. DEPUTACIÓN DA CORUÑA | Fonte: Europa Press

Fíxoo tras unha reunión co presidente da Deputación da Coruña, Valentín González Formoso, ao que trasladaron as súas demandas para garantir os empregos da planta de Alcoa, pero tamén para insistir na necesidade dun marco enerxético estable que beneficie tanto a estes traballadores como a outros na provincia coruñesa.

"Hai que traballar rápido, sen descanso", sinalou Corbacho, quen situou a Deputación da Coruña como unha institución máis para que "presione ao Goberno" de cara a conseguir unha contorna, desde o punto de vista da regulación enerxética, que beneficie a chegada dun posible investidor.

Ademais, insistiu en reclamar un estatuto para as empresas electrointensivas que non sexa "un parche". "Que sexa unha solución", engadiu o presidente do comité de empresa de Alcoa na Coruña.

REUNIÓN CO MINISTERIO

Por outra banda, confirmou que o próximo 5 de febreiro, ás 12,00 horas, manterán unha reunión co Ministerio de Industria, á que asistirán tamén representantes das plantas de Avilés, da Xunta de Galicia e do Principado de Asturias. "Cónstanos que está a traballar nesa regulación", dixo ao ser preguntado polo papel deste Ministerio ante as súas demandas.

Pola súa banda, o presidente da Deputación da Coruña, Valentín González Formoso, manifestou que recollerán a petición dos traballadores para que o estatuto para as empresas electrointensivas saia "canto antes". "E non sexa un simple parche, se non que permita, non só a Alcoa se non a todas as empresas, manterse competitivas", sinalou.

Este encontro tivo lugar un día antes da xornada de mobilizacións convocada para este sábado polos traballadores de Alcoa ante as autoridades portuarias de Vigo e Vilagarcía de Arousa pola entrada de aluminio de importación.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta