Por E.P. | SANTIAGO DE COMPOSTELA | 02/02/2019 | Actualizada ás 11:03
Tres persoas resultaron feridas nun accidente de circulación causado pola presenza de xeo nunha estrada do municipio coruñés de Mazaricos, segundo informou o CIAE 112 Galicia.
O accidente tivo lugar ás 07,00 horas deste sábado na estrada AC-400 á altura de Chachín. Segundo o particular que puxo o caso en coñecemento do 112, dúas persoas estaban atrapadas no interior dun dos vehículos implicados.
Desprazados ao lugar, os bombeiros de San Comba rescataron a estas dúas persoas, que xunto co outro ferido foron trasladadas a un centro hospitalario polos efectivos de Urxencias Sanitarias 061.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.