Sobe o prezo da vivenda de segunda man un 3% en xaneiro
O prezo do metro cadrado de vivenda de segunda man en venda en Galicia sitúase en 1.395 euros en xaneiro, o que supón unha subida do 2,86% respecto ao mesmo mes do ano anterior.
Por Europa Press / Redacción | SANTIAGO DE COMPOSTELA | 04/02/2019 | Actualizada ás 13:04
Segundo un informe de pisos.com, Pontevedra é a provincia máis cara de Galicia (1.513 euros por metro cadrado) tras incrementarse un 8,7% nun ano. No outro extremo, Lugo é a máis barata (1.130 euros) tras unha caída do 8,72%.
Así mesmo, o catro capitais provinciais experimentan incrementos na Comunidade, pero é significativo o caso de Pontevedra, onde se disparan os prezos un 16,5%.
Pola súa banda, Galicia é a sétima autonomía máis alcanzable de España, mentres Castela-A Mancha sitúase como a comunidade máis barata, con 908 euros por metro cadrado. Respecto de decembro, a subida é do 0,41% na Comunidade.
En canto á vivenda de segunda man en España, en xaneiro rexistrouse un prezo medio de 1.703 euros por metro cadrado, de forma que supón un ascenso interanual do 8,11%. O aumento respecto ao mes anterior é do 1,84%.
