Por Europa Press / Redacción | SANTIAGO DE COMPOSTELA | 04/02/2019 | Actualizada ás 15:47
Un octoxenario faleceu este luns nun accidente rexistrado ao quedar atrapado debaixo dun tractor agrícola que envorcou no termo municipal de Valga (Pontevedra).
Segundo informaron fontes da Garda Civil e do 112 Galicia, este accidente mortal tivo lugar sobre as 13,40 horas deste luns en Balleas, no municipio de Valga.
Como consecuencia do sinistro faleceu o condutor do vehículo agrícola, un veciño do lugar de 80 anos de idade, que quedou atrapado debaixo do tractor.
O vehículo "non utilizaba a estrutura de seguridade antienvorcado", concretou a Garda Civil Tráfico, que instrúe dilixencias en relación con este sinistro.
O servizo de emerxencias 112 sinalou que ata o lugar do accidente se mobilizou persoal sanitario, bombeiros de Vilagarcía, o GES de Valga e Policía Local, ademais da Garda Civil.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.