Por Europa Press / Redacción | SANTIAGO DE COMPOSTELA | 05/02/2019 | Actualizada ás 14:13
A Consellería de Medio Ambiente apelou á necesidade de reducir o peso actual da fracción orgánica nos residuos que se xeran na Comunidade galega, xa que na actualidade representa un 42% do total.
Así o manifestou este martes a directora xeral de Calidade Ambiental e Cambio Climático, Cruz Ferreira, durante a constitución da Mesa de residuos, impulsada pola Xunta co obxectivo de habilitar unha ferramenta de participación e aberta a todos os axentes implicados na xestión da fracción orgánica dos residuos municipais.
Na súa intervención, a directora indicou que a necesidade de acometer accións específicas para mellorar a xestión dos residuos orgánicos radica na relevancia que representan no conxunto do lixo doméstico, xa que é a fracción máis abundante no peso.
Por iso, a directora xeral considera "imprescindible" desenvolver accións para fomentar a recollida separada dos biorresiduos xa que, conforme sinalou, sen o seu adecuado tratamento dificulta todo o proceso.
En definitiva, apostou por medidas que fomenten tanto a recollida diferenciada da materia orgánica como a súa correcta xestión, co obxectivo de darlle unha nova vida á fracción orgánica a través da obtención dun fertilizante de gran valor, o compost.
A directora xeral lembrou que esta segunda oportunidade para esta fracción de residuo é un reto que marca a nova Directiva europea de residuos, que establece que os municipios terán que implantar a recollida de biorresiduos antes de finais de 2020.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.