Multado un home con 540 euros por seguir a unha adolescente en Pontevedra e facerlle tocamentos
Os feitos aconteceron cando a menor ía ao instituto cando o individuo a tocou co propósito de satisfacer o seu apetito sexual.
Por E.P. | SANTIAGO DE COMPOSTELA | 06/02/2019 | Actualizada ás 17:22
O Xulgado do Penal número 3 de Pontevedra condenará a pagar unha multa de 540 euros por un delito de abuso sexual a X.P.G., un home que admitiu seguir a unha adolescente de 17 anos pola rúa e tocarlle o cu. Ademais, coa conformidade do acusado coa sentenza, imporáselle unha orde de afastamento que lle impedirá achegarse á meor afectada.
O acusado, que presenta unha discapacidade psíquica, recoñeceu este mércores os feitos e beneficiouse dunha redución da petición de condena solicitada pola Fiscalía que inicialmente reclamaba unha pena de sete meses de multa a razón de seis euros ao día. Segundo sostén o representante do Ministerio Público no seu escrito de acusación, e tal e como admitiu o procesado, foron varias as ocasións nas que seguiu á moza de 17 anos por distintas rúas de Pontevedra
O relato da Fiscalía sinala que o día no que se produciu o manoseo, o 16 de novembro de 2017, a moza dirixíase cara ao instituto no que estuda cando a tocou "co propósito de satisfacer o seu apetito sexual", momento no que a moza berrou alertando a unha muller que camiñaba preto deles e provocando a fuxida do home. O Xulgado do Penal número 3 de Pontevedra ditará sentenza firme nos mesmos termos nos que se acordou a conformidade.
