O BNG defende que a súa coalición con Bildu e ERC representa "loita pola democracia"
Ana Miranda asegura que a alianza destes partidos representa valores de esquerda, antifascismo e dereito a decidir dos pobos.
Por Europa Press / Redacción | Barcelona | 09/02/2019 | Actualizada ás 16:47
A cabeza de lista do BNG nas eleccións europeas, Ana Miranda, asegurou este sábado que a coalición con EH Bildu e ERC para estes comicios representa a "loita pola democracia" e valores de esquerda, antifascismo e dereito a decidir dos pobos galego, vasco e catalán.
No acto de presentación da candidatura conxunta —encabezada polo líder republicano encarcerado Oriol Junqueras— en Barcelona, declarou que España é os seus pobos, e non só o "trifachito" dos líderes do PP, de Ciudadanos e de Vox, Pablo Casado, Albert Rivera e Vox, Santiago Abascal.
E Miranda fixo referencia ao PSOE acusándooo de "desconvocar o diálogo" tras a convocatoria de manifestación organizada pola dereita en Madrid.
"DESVERGOÑA" DE VOX
Sobre Vox, criticou a "desvergoña de dicir que o independentismo en Catalunña espertou o fascismo", e dixo que non se espertou, senón que non morrera nunca.
Ademais, subliñou que a coalición europea presentada este sábado é feminista porque non calará "fronte ao machismo e fronte ás mandas", e apostou pola solidariedade na UE fronte ao que cualificou de Europa fortaleza.
Tras resaltar que 'Agora Repúblicas' é a alternativa da esquerda fronte ao "fascismo e a represión", a eurodeputada galega afirmou que é unha coalición feminista desde a que loitar contra partidos que abren a porta ao racismo, á xenofobia e ao recorte dos dereitos das mulleres.
