A Deputación de Lugo promociona máis de 800 quilómetros de Camiños de Santiago por terras lucenses

O deputado de Turismo de Lugo, Eduardo Vidal, puxo en valor este martes a importancia das rutas de peregrinación que transitan pola provincia.

Por Europa Press / Redacción | SANTIAGO DE COMPOSTELA | 12/02/2019 | Actualizada ás 18:01

Comparte esta noticia

O Deputado de Turismo de Lugo, Eduardo Vidal, puxo en valor este martes a importancia das rutas de peregrinación que transitan pola provincia e que suman máis de 800 quilómetros de Camiños de Santiago.

Peregrinos no Camiño de Santiago
Peregrinos no Camiño de Santiago | Fonte: Xunta.

Vidal foi o encargado de presentar de forma oficial á provincia de Lugo no marco do fórum profesional Fairway, que acolle Santiago de Compostela e no que a Deputación tamén ten unha caseta institucional.

O deputado destacou que Lugo é "a gran porta de entrada a Galicia" de miles de peregrinos que, cada ano, percorren o Camiño Francés, o Camiño Primitivo, o Camiño do Norte ou o Camiño de Inverno, rutas que atravesan practicamente a metade dos concellos da provincia.

Ademais, avanzou que tres novas rutas alternativas están a ser xa investigadas e documentadas para un posible recoñecemento oficial no futuro: o Camiño do Mar pola Mariña Lucense, a Vía Rexia do Norte e a Vía Künig, que segue o itinerario que fixo un monxe alemán en 1495.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta