Por Galicia Confidencial | Santiago de Compostela | 14/02/2019 | Actualizada ás 10:54
O 12 de febreiro, ás 20:49 horas, foi observado un obxecto luminoso desde distintos puntos de Galicia, Asturias, Cantabria e León. Desde Compostela viuse en dirección noreste e con clara traxectoria descendente.
Descartada unha reentrada dun cohete ou satélite artificial, todo indica que se tratou dun bólido, é dicir, a entrada na nosa atmosfera dun meteoroide (pedra cósmica), informa José Ángel Docobo Durántez, director do Observatorio Astronómico Ramón María Aller da Universidade de Santiago.
Unha vez analizadas as distintas testemuñas recibidas e ás que se puido ter acceso, pode dicirse que o traxecto final do bólido tivo lugar por riba do Mar Cantábrico, estimándose o punto final a uns 150 quilómetros da costa asturiana.
Este vídeo foi gravado en Santander por Fran Bedía.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.