Por Europa Press / Redacción | PONTEVEDRA | 15/02/2019 | Actualizada ás 16:58
Axentes da Policía Nacional da Comisaría Provincial de Pontevedra identificaron e detiveron a un mozo de 27 anos, veciño do municipio e con antecedentes policiais, como presunto autor dun delito de danos en 28 vehículos durante o transcurso dun acto de Vox celebrado o sábado 9 na cidade do Lérez.
Segundo informou a Policía Nacional, os feitos sucederon na noite do 9 de febreiro cando axentes que levaban a cabo labores de prevención da seguridade cidadá detectaron a un individuo que merodeaba entre os vehículos estacionados "de forma sospeitosa".
Os axentes identificárono e interviñéronlle un desaparafusador oculto entre as súas roupas e, "cando lle interpelaron sobre o alí ocorrido, saíu fuxindo á carreira sen que puidesen darlle alcance", relataron as mesmas fontes.
Tras efectuar unha inspección ocular na zona, os axentes detectaron varios vehículos afectados coas rodas picadas e riscadas nalgún deles. En concreto, a Policía apunta que causou danos nas rodas de 28 vehículos aparcados na contorna do local onde se celebraba o acto político.
Os axentes policiais estableceron un dispositivo de busca do presunto autor dos danos que culminou coa súa detención o día 13 de febreiro sobre as 22,00 horas nas proximidades do seu domicilio.
Este individuo manifestou aos axentes, tanto no momento de ser identificado como no da súa detención, consignas de tipo político como que "non podo quedar queto ante xente supremacista e fascista, teño que pasar a acción".
Tras efectuar unha inspección ocular na zona, os axentes detectaron múltiples vehículos danados, debido ao que foron interpostas ata 28 denuncias por estes feitos. O detido foi trasladado a dependencias policiais onde se tramitou o correspondente atestado, tras o cal pasou a disposición da autoridade xudicial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.