A esquerda galega busca "frear" a tríada da dereita estatal, pero farao con novas fórmulas electorais

As organizacións que formaron parte da confluencia En Marea nos comicios de 2015 e 2016 -Anova, EU e Podemos-, así como o propio partido instrumental, xa dan por feito que se presentarán ás xerais por separado. O BNG ve estas novas eleccións como unha "oportunidade" para Galicia e o PSOE chama a votar para facer fronte a PP, C's e Vox

Por Europa Press / Redacción | Santiago de Compostela | 16/02/2019 | Actualizada ás 14:18

Comparte esta noticia

O anuncio da convocatoria de eleccións xerais para o vindeiro 28 de abril dá paso a un escenario político incerto. Nun contexto no que a dereita española pode gañar moito espazo, as forzas galegas de esquerda centran os esforzos en "frear" o avance da "deriva autoritaria", concepto co que Anova se referiu ás tendencias de PP, C's e Vox. Iníciase entón un tempo de diálogo entre partidos para estudar posibles concorrencias, con probables cambios respecto da fórmula electoral empregada en 2015 e 2016: mentres En Marea anunciou que se presentará ás eleccións como "formación propia", Anova non citou esta forza ao avanzar que inicia conversas con Esquerda Unidos e Podemos.

Yolanda Díaz (EU), Xosé Manuel Beiras (Anova) e Pablo Iglesias (Podemos). EUROPA PRESS - Arquivo
Yolanda Díaz (EU), Xosé Manuel Beiras (Anova) e Pablo Iglesias (Podemos). EUROPA PRESS - Arquivo

A desobediencia de catro dos cinco deputados de En Marea no Congreso durante a votación dos PGE abriu unha nova fenda no partido e impulsou a decisión de presentarse como "formación propia", segundo confirmou Luís Villares. Hoxe mesmo darán inicio ao proceso de primarias do que resultará o candidato final e o líder de En Marea convidou a que "compañeiros e compañeiras", aínda que sexan militantes "doutras forzas políticas", "participen activamente neste proceso e na conformación de candidaturas.

Se ben o alcalde da Coruña, Xulio Ferreiro apostaba por deixar a un lado "as disputas políticas internas" e conformar unha candidatura "forte e unida" de cara ao 28 de abril, semella que esa idea non seguirá adiante. A fío diso, hai uns días, o portavoz de Anova, defendía que a fórmula é "secundaria", pero pedía "sumar o máximo posible" para "frear a ultradereita". 

Así, esta organización -Anova- vén de anunciar que iniciará procesos de diálogo con Esquerda Unida e Podemos Galicia, pero non cita en ningún momento posibles conversas co partido instrumental, En Marea. A formación pide reforzar o proxecto de "Unidade Popular" en Galicia como forma de facer fronte ao bloque "reaccionario" que compoñerían o PP, Ciudadanos e Vox. 

Aseguran que as eleccións de abril non serán uns comicios calquera, pois deles sairá unha "solución democrática ou autoritaria", así que pretenden "activar, política e socialmente", unha "maoría cidadá" que "derrote" as tendencias "ultraconservadoras" da tríada da dereita.

UNHA "OPORTUNIDADE" PARA QUE GALICIA TEÑA "VOZ PROPIA"

Pola súa parte, o Bloque Nacionalista Galego xa lanzou a súa comisión electoral, na que Rubén Cela se ocupará da coordinación política de campaña. O discurso que manteñen dende o BNG é o de considerar o 28 de abril como unha "oportunidade" para "devolverlle a Galicia a voz propia" no Congreso. 

Ana Pontón, portavoz nacional, criticou o facer político doutras forzas galegas e asegurou que vale máis un dos seus deputados en Madrid ca os 23 "subordinados" de PP, PSOE e En Marea.

PSOE

Tamén representantes do PSdG falaron de facer fronte aos partidos da dereita española. A presidenta da Deputación de Pontevedra, Carmela Silva, insistiu na necesidade de chamar a xente a votar nun momento no que "PP, C's e Vox decidiron converter a política nun campo bélico"

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 21 comentarios

11 Prístino

Nom é má idea a de Villares, o dumha candidatura progressista conjunta ao senado, tipo como fam em Catalunha com a entesa d'esquerres.

10 adela

Galiza xa ten unha organización seria e sólida onde caben tod@s. Adiante BNG

9 Fernando A

Onde están os diputados nacionalistas da Marea . seica algúns de tanto estar en Madrid con despachos de moqueta contaxiounos de estatalitis . Adeus , que lles vaia ben

8 non enganen asi

Non son galegos... son expañois!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

7 Don Fodrigo

Yo no es que quiera discrepar con nadie pero hablar de la izquierda gallega y poner una foto de Pablo Iglesias (el de Madrid no el de Ferrol (que tampoco)) me parece una incoherencia.....No se como lo veis vosotros....Que tal si ponemos una foto de Castelao en un mitín del PSOE-Andaluz?