Por Europa Press / Redacción | SANTIAGO DE COMPOSTELA | 18/02/2019 | Actualizada ás 12:53
A Comisión Provincial de Violencia de Xénero de Lugo foi constituída na mañá deste luns tras a da Coruña, na que participan distintos actores como Policía, Garda Civil, Colexio de Avogados, asociacións en contra deste tipo de violencia, Xunta de Galicia, Fiscalía e xuíces.
O acto de constitución, celebrado na Audiencia Provincial, estivo presidido polo presidente do Tribunal Superior de Xustiza de Galicia (TSXG), Miguel Ángel Cadenas, que precisou que se trata dunha "comisión de coordinación auspiciada polo Consello Xeral do Poder Xudicial e que está previsto que se constitúa en todas as provincias" españolas.
A finalidade é "basicamente coordinar a todos os que teñen responsabilidade directa ou indirecta na loita contra o fenómeno delituoso que é a violencia de xénero", explicou. "Trátase de facer unha fronte común, homoxéneo, para loitar contra este fenómeno delituoso, e por iso aglutina non só a xuíces, senón a fiscais, corpos e forzas de seguridade do Estado, o Imelga, a Xunta de Galicia, etc.", concretou.
Cadenas expuxo que para "loitar contra o fenómeno da violencia de xénero é preciso a colaboración de todos, porque curiosamente parece que a violencia de xero xerouse actualmente pola dimensión que ten a través dun caldo de cultivo especial que xerou a sociedade, e toda a sociedade ten que buscar a solución para afrontar con eficacia ese fenómeno".
Finalmente, o presidente do Alto tribunal galego aclarou que Galicia se move na "media", en canto a este tipo de delitos contra as mulleres.
"O problema, xa non é tanto que a violencia de xénero tradúcese nunha morte, na morte dunha muller ou dun neno que é a manifestación máis grave e letal. Son aqueles casos en que se poden producir, cotidianamente, algúns chegan aos órganos xurisdicionais ou aos órganos policiais, pero outro non. Ese é o verdadeiro xerme desas situacións máis graves que logo desembocan se cadra na morte dunha muller", concluíu Cadeas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.