Xulio Ferreiro, reelixido candidato de Marea Atlántica á Alcaldía da Coruña

As primarias ratifican o actual alcalde, cunha participación do 38,65%.

Por Europa Press / Redacción | A CORUÑA | 18/02/2019 | Actualizada ás 19:14

Comparte esta noticia

As primarias da Marea Atlántica ratificaron a Xulio Ferreiro como candidato ás eleccións municipais na Coruña, segundo informa a marea herculina tras concluír o proceso que iniciaron para elixir a candidatura.

Xulio Ferreiro en primarias de Marea Atlántica. MAREA ATLÁNTICA
Xulio Ferreiro en primarias de Marea Atlántica. MAREA ATLÁNTICA | Fonte: Europa Press

A lista encabezada polo actual alcalde da Coruña recibiu o apoio de 232 persoas durante este fin de semana, no que tiveron lugar as votacións. Houbo, ademais, 15 votos en branco. A participación alcanzou o 38,65 por cento.

Tras este resultado, as 20 persoas que acompañaban a Xulio Ferreiro na súa candidatura pasarán a ocupar os 20 primeiros postos da lista electoral de Marea Atlántica. Os nomes que ocuparán os números do 21 ao 27 decidiranse o próximo 28 de marzo.

Antes, conforme ao regulamento de primarias, ábrese agora un prazo de alegacións os días 19 e 20 de febreiro. Os resultados definitivos proclamaranse o día 21.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta