Por E.P. | SANTIAGO DE COMPOSTELA | 21/02/2019 | Actualizada ás 12:24
O prezo do metro cadrado da vivenda libre pecha 2018 en Galicia en 1.193 euros, tras unha subida de oito euros respecto do último trimestre de 2017 (+0,7%). A cifra supón unha diferenza de case 426 euros menos ca no conxunto estatal.
Este incremento do 0,7% está por baixo do avance interanual do 3,9% en España. Na comparativa do último trimestre de 2018 respecto do terceiro en Galicia hai unha alza do 1,3%, tamén menor que o 1,8% do Estado.
Estes 1.193 euros por metro cadrado supoñen volver a cifras do arranque de 2016 en Galicia, segundo os datos feitos públicos este xoves polo Ministerio de Fomento. Implican case 426 euros menos que a media de metro cadrado en España, que se eleva ata 1.618,8 euros, nunha alza que avanza nos últimos anos. De feito, é o décimo quinto trimestre consecutivo con crecementos interanuais de prezos no Estado.
En concreto, hai aumentos interanuais de prezos en 14 comunidades a fins do 2018. Os maiores aumentos protagonízanos Madrid (+8,1%) e Cataluña (+5,8%). No outro extremo, hai baixadas en Asturias (-1,4%), Murcia (-1,3%), País Vasco (-0,5%) e Castela e León (-0,1%).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.