Por E.P. | MADRID | 21/02/2019 | Actualizada ás 18:03
Os españois gastan unha media duns 400 euros ao ano en medicamentos. Así, durante 2018, experimentouse unha tendencia á alza do gasto farmacéutico po receita pública, que sufriu un aumento do 1,7 por cento en comparación co ano anterior, segundo o estudo 'O gasto farmacéutico en España 2018', elaborado por EAE Business School. En Galicia subiu un 5,9% o custo do consumo de medicamentos nos hospitais da rede pública.
Segundo se recolle no informe, en Galicia en 2017 o desembolso situouse en 132.576.157 euros mentres que en 2018 ascendeu a 140.409.122, o que supón un aumento do 5,91%.
En España o consumo hospitalario experimentou un incremento superior ao oito por cento en 2018. Desta forma, o crecemento do número de receitas é maior que o do prezo medio por receita.
En España, o consumo de medicamentos entre mulleres é máis elevado que entre os homes. As mulleres gastan unha media de 421,79 euros ao ano, mentres que os homes unha media de 382,87 euros, segundo datos de 2017. Os datos tamén revelan que a franxa de idade de máis de 65 anos é a que ten un gasto anual maior, con 552,5 euros.
Importantes crecementos por gasto farmacéutico a través de receita producíronse en Canarias (3,31%) e Cantabria (3,01%), e onde máis diminuíu o gasto a través de receita foi en Aragón (-0,75 %) e País Vasco (-0,18 %).
As tres comunidades que máis gastan en fármacos de media por persoa son Navarra (316,33 euros), País Vasco (278,24 euros) e Comunidade de Madrid (267,89 euros), segundo datos de 2017. As comunidades que menos gastaron de media por persoa foron Estremadura (181,16 euros), Castela a Mancha (203,54 euros) e Canarias (208,63 euros).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.