O Arcebispado de Santiago adapta o soldo dos curas ao novo salario mínimo aprobado polo Goberno socialista
Cobrarán a partir de agora 900 euros mensuais.
Por Europa Press / Redacción | Santiago de Compostela | 21/02/2019 | Actualizada ás 20:21
O Arcebispado de Santiago de Compostela aumentou o seu orzamento anual ata os 23,8 millóns de euros para adaptar as retribucións do clero á suba do Salario Mínimo Interprofesional (SMI) aprobada polo Goberno central.
Deste xeito, segundo informa o Arcebispado compostelán, os sacerdotes da Diócese de Santiago percibirán un salario mensual de 900 euros.
O consello de Asuntos Económicos da Igrexa Diocesana de Santiago aprobou este xoves o seu orzamento para 2019, que se eleva a 23,8 millóns de euros.
Así, destacan o "importante esforzo financeiro" que supón adaptarse ao novo SMI e que asume "integramente" o Instituto para a Sustentación do Clero (ISC).
