Sorprendidas pola Garda Civil cinco persoas cando extraían ourizos de forma ilegal
Interviñéronse case 300 quilogramos.
Por E.P. | Oleiros | 22/02/2019 | Actualizada ás 17:49
A Garda Civil do Posto Principal de Oleiros (A Coruña) procedeu a levantar acta de denuncia a cinco persoas que foron sorprendidas cando se atopaban extraendo ourizos de maneira ilegal en Santa Cruz.
Segundo informou o Instituto Armado, os feitos sucederon no transcurso dun servizo rutineiro e, en total, interviñéronse case 300 quilogramos de ourizos que se atopaban en capazos ocultos entre as rochas e que, posteriormente, foron resembrados no mar polo Servizo de Gardacostas.
Por outra banda, o Servizo Marítimo da Garda Civil da Coruña, en colaboración con Gardapescas Mariños da Confraría de Cabo de Cruz, procederon a levantar acta de denuncia a sete persoas que xa foran descubertas mentres realizaban pesca furtiva de ameixas o pasado día 19 de febreiro.
Esta última vez, os feitos sucederon na zona das Redondas e Praia de Mañón. Foron incautados 13,8 quilogramos de ameixa xaponesa que se atopaba en sacos escondidos nas inmediacións.
