Por Galicia Confidencial | Santiago de Compostela | 22/02/2019 | Actualizada ás 18:08
O Monte do Gozo de Santiago de Compostela será de novo a sede da segunda edición do Festival O Son do Camiño, que terá lugar os días 13, 14 e 15 de xuño, e reunirá a grandes estrelas do panorama internacional e estatal como Black Eyed Peas, Iggy Pop, David Guetta, Die Antwoord —na que será a súa única data este ano en España—, Rosalía, Bastille, Bloc Party —que tocarán integramente 'Silent Alarm'—, Richard Ashcroft, Vetusta Morla ou Dimitri Vegas & Like Mike.
O cartel do Festival —que se presentou na tarde deste venres en rolda de prensa co conselleiro de Cultura, Román Rodríguez— complétano The Hives, W&W, Beret, Ayax e Prok, Graveyard, Royal Republic, Bad Gyal, Second, Varry Brava, ELYELLA, Shinova, Full, Kitai, Molina Molina, Alice Wonder e Cariño. Ademais dunha nutrida representación galega: Iván Ferreiro, Eme Dj, Hard GZ, Igloo, Mordem, Marem Ladson, Baiuca, Familia Caamagno e Ortiga.
Os abonos poñeranse á venda o mércores 27 de febreiro ás 12.00 horas só en www.osondocamino.es e www.eventbrite.es cun prezo especial de lanzamento de 49 euros máis gastos de xestión.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.