Por Europa Press / Redacción | SANTIAGO DE COMPOSTELA | 22/02/2019 | Actualizada ás 19:26
A líder dos nacionalistas galegos, Ana Pontón, destacou que o Consello Nacional de BNG aprobará o próximo día 9 de marzo as súas candidaturas para as eleccións xerais do 28 de marzo, unhas listas para as que a formación non pedirá "carnés" senón "compromiso con Galicia". Para este proceso, todas as asembleas comarcais realizarán propostas que finalmente serán aprobadas polo Consello Nacional.
"Pomos en marcha un proceso participativo no que é a militancia do BNG quen toma a palabra", destacou Pontón, que asegurou que a formación fará unhas candidaturas con "amplitude de onda", nas que se vai "incorporar a persoas representativas".
"O 28 de abril é unha oportunidade para recuperar voz propia no Congreso e desde a confianza de poder presentar aos galegos un proxecto unido e cohesionado", manifestou a líder do Bloque.
Na súa intervención despois de que ao longo da última semana varias organizacións como Compromiso por Galicia ou Eh Bildu lanzasen ao Bloque diferentes propostas de alianzas, Ana Pontón quixo deixar "moi claro" que o Bloque Nacionalista Galego ten "as portas abertas" a todas as persoas que queren defender os intereses de Galicia.
"No proxecto común do BNG temos as portas abertas para todas as persoas de boa fe que queren traballar por Galicia", proclamou ante os membros do Consello Nacional que na tarde deste venres reuníronse en Santiago de Compostela.
Ana Pontón aproveitou a súa comparecencia para volver subliñar que as eleccións xerais son unha oportunidade para que Galicia recupere representantes que "dean a cara polos galegos" e que "defendan os dereitos nacionais" nun momento no que "son clave".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.